婚紗晚裝 Charming Image

《Charming Image 趣事分享》: 人棄我取的生存之道

 

 

 

作為一個婚紗公司,每位客人都係帶著開心嘅心情嚟揀靚衫,做喜事嘛!所以,幫客人揀自己嘅心頭好係一件好基本嘅事。然而,對於各位幸福嘅媽媽嚟講:太深色會顯老、太淺色又會唧咗個「幸福腩」出嚟…… 如果睇到呢度,你以為我講緊主婚人禮服? 咁你就錯喇!

Read more...

舒適試身空間、過千嫁衣選擇,搶先預約體驗 (上)

每個女生,都有一個夢 -- 幻想自己披上嫁衣,和最愛的人攜手步入婚姻的殿堂,用心編寫人生的新一樂章。Charming Image助你成就公主夢,全新店鋪設計,引入過千件婚紗、晚裝,讓你成為閃耀全場的女主角。

Read more...

分享一件經營婚紗店最開心嘅事?

Mango諗左好耐,佢話:「最開心嘅有兩樣,一係建立咗良好嘅口碑,因為


Charming Image一直以嚟都深得用家嘅歡迎,甚至有舊客介紹好多朋友搵我哋租衫,搞到佢朋友以為佢有收錢添!可以令更多新娘揀到鐘意嘅衫都當然開心啦!

 

另外一點,就係由一人公司發展到而家,可以有超過30位同事一齊工作嘅大家庭咁!早兩年有同事結婚,Mango形容全公司好似嫁女咁開心,呢個團結又窩心嘅工作環境,都令新人感受到,咁就對Charming Image更有信心啦!

Source: Kaki Chan

 

如果想知道更多Charming Image 2017年的計劃,就記得Mark實Charming Image 【最新消息】喇!

Read more...

百利初八舞獅慶賀新春,祝天下有情人終成眷屬!

如果唔係住喺新界或者圍村,過年可以見到舞龍舞獅嘅機會真係唔多,細個嘅時候,極其量都係睇新春賀年節目電視直播。

今年初八,百利商業中心就邀請咗郭偉康龍獅團助興,一眾百利嘅店主齊齊參與。Charming Image更加係榮幸受邀,代表進行醒獅點晴儀式!


龍獅團準備表演嘅時候,各店店主都齊集,仲引咗一班街坊埋嚟趁下熱鬧!

 

長輩們成日都話﹕「金獅點晴、生意興盛」、「龍獅掛紅彩,好運齊齊來」

進行完點晴同埋掛彩儀式之後,一班店主摸住獅頭,影返張大合照!

 

多謝郭偉康龍獅團咁精彩嘅演出!

 

今年一對獅子係紫、金兩色,顏色好鮮豔、有活力!

戶外表演完成之後,就輪到醒獅到各店接財神喇!

班同事接到「財」好開心呢!新一年希望各位同事「食多啲菜,搵多啲財!」

 

Read more...

《Charming Image 小故事 之 點解要開婚紗店?》(2)

一場婚禮牽涉咁多唔同嘅範疇,點解要開婚紗店?

 

「要講最簡單嘅原因就係:係女仔都想自己結婚嗰日係全世界最靚嘅女人架啦,而可以提供到最多顏色、風格同款式選擇嘅,就非婚紗晚裝莫屬喇!」

 


而除咗因為可以有更多選擇外,仲因為 Mango自身的故事……

 

當時,喺 Mango 結婚嘅時期,租賃婚紗晚裝嘅風氣並未流行。新娘子要搵一件岩心水嘅嫁衣絕對唔易架!好多時都要選擇訂造,但係人工訂造費用昂貴,而且只穿一次會造成浪費,令 Mango 諗到呢個可以提供更多選擇又環保嘅方法。唔經唔覺,就做左10幾年嚕!

 

Read more...

令下一位新娘可以著到最靚嘅衫

 

每年嘅9月打後,就正式踏入結婚嘅旺季,而平均1112月的新人就最多。經過打仗般1月 ,Charming Image 同事日常工作終於可唔洗逼切,但係我哋仍然忙碌!

 

為咗令每對新人都可以喺大婚當日穿著最完美嘅婚紗,同事們閒時就會拎起針線,幫婚紗補珠、幫裙褂補線。務求可以將禮服的保養做到最好。Vicky Maggie 兩個女孩子挑起針線咁將婚紗嘅珠片補上,令下一位新娘可以著到最靚嘅衫!

 

如果想睇更多Charming Image更多最新資訊,就記得留意住喇!

Read more...

2017年1月22日係好日子

 2017年1月22日係好日子,我哋師傅同一班同事都忙到踼哂腳。 

今朝被師傅召喚咗上去四樓Fitting Room,原來係新人還衫嘅時候請我哋食喜餅! 

短短3個鐘已經可以集齊7款唔同公司嘅餅卡!絕對系好日子呀! 

恭喜一眾新年前結婚嘅新人,祝福你哋百年好合,永結同心!多謝你哋將小小心意放喺還衫箱裡面,將呢份喜悅、甜蜜嘅感覺同我哋分享!

 

 

Read more...

公司團年飯,收爐喇!

平時返工日對夜對,見住呢班同事仲多過屋企人,24號晚公司上上下下、齊齊整整食個團年飯,除咗要獎賞自己喺過去一年嘅努力之外,亦都要訂個新目標!希望嚟緊2017,大家仍然可以一齊努力,成就更多更完美嘅婚禮!

 

多謝以往將大日子嫁衣交畀  Charming Image 嘅每一位客人,

多謝每一位將我哋介紹畀身邊朋友仔嘅靚靚,感謝一路支持!

Charming Image仝人祝福天下女性青春常駐,天下男士英俊瀟灑!

望住開工日嘅 Booking 就快爆滿,表示下年將會有更多有情人終成眷屬喇!

 

各位親愛的同事、客人們,我哋初六啟市日見喇!

大家逗多啲利事,恭喜發財呀~

Read more...

1月1號求婚大日子?

根據以往慣例,元旦係一個好特別的日子。同新娘傾偈嘅時候,發現有唔少嘅人都係1月1號呢日被求婚。同樣地,選擇成為新一年首日新娘嘅為數亦唔少。到底1月1號有咩求婚必備嘅小攻略呢?

 

求婚攻點不外乎四個字:「戒、花、紙、由」,── 戒指、鮮花、銀紙、理由。剛剛喺2017年1月1日結婚嘅新人就同我地分享,一個簡單而成功求婚,聽落去簡單,但係當中細節真係爭一樣都得架

 

 新郎Daniel話:「早於前年9月份已經Plan緊求婚,所以就選擇12月31號book定一間浪漫餐廳,要睇到煙花倒數,務求新娘子可以有一個幸福嘅求婚咁話!重點仲要同餐廳講低,當晚會有求婚儀式,所以要求坐窗邊位,搭正12點,係歡笑同慶祝聲下單膝下跪,咁先可以顯出佢幾有誠意將新娘子Daisy娶返屋企…

 

 的確,大日子係一個一生人一世嘅重要節日,而一個浪漫嘅求婚更加成為新人之間甜蜜嘅回憶。不過講到低,除左「戒、花、紙、由」之外,最重要係誠意打動身邊嗰位愛護自己、支持自己嘅女人,祝福天下拍緊拖嘅男士早日求婚成功,戀愛中嘅女士披起嫁衣,攜手進入人生新一頁。

Read more...
Top of Page